InicioSociedadeO grupo de Povisa duplicou beneficios en 2017 e o seu dono...

O grupo de Povisa duplicou beneficios en 2017 e o seu dono é 10 millóns máis rico en 2018

O dono de Povisa, José Silveira Cañizares, é un dos homes máis ricos de España

PUBLICADO O

- Advertisement -

Povisa entrou este venres en preconcurso de acredores, facendo dubidar aos traballadores polo seu emprego e soldo. Alegan unha débeda de 42 millóns, e o esgotamento do fondo de reserva, “feito” do que culpan ao SERGAS e o seu contrato con el, que mellora cada ano mentres que o convenio dos traballadores permanece conxelado desde 2010.

En 2013 Povisa obtivo os maiores beneficios de toda a súa historia tralos recortes da crise, que non volveu “reaxustar” coa chegada dos bos tempos. Por estas tensións, chegarónse a producir folgas de fame en contra dos despidementos de 2015. Pero é que ademais os beneficios do grupo empresarial ao que pertence o hospital, Nosa Terra 21, non deixan de medrar.

De feito, en 2017 Nosa Terra 21 duplicou beneficios, pasando de 7,3 a 16,7 millóns. Este grupo está formado polas empresas Remolcanosa, que exerce o práctico monopolio no seu sector, Naviera Elcano, con filiais por boa parte do mundo, e Povisa. As cifras de negocio que move xa só a Naviera achéganse aos 600 millóns de euros.

Povisa/ Miguel Núñez

O propietario do holding, José Silveira Cañizares, puxo ao seu fillo, José Bernardo Silveira, a cargo da xestión de Povisa. A maior polémica, hasta agora, ocorreu cando este mesmo ano Silveira fillo tivo que pagar, por orde xudicial, unha multa de 60.000 euros tras diagnosticar VIH e Hepatitis B a un paciente que non padecía ningunha destas enfermidades.

O grupo Nosa Terra 21 non só recibe diñeiro público por Povisa. Tamén está privatizado parte do servicio de gardacostas, en mans de Remolcanosa, que recibe compensacións millonarias.

En canto á Naviera Elcano, no seu último informe anual, o de 2017, felicitaba aos traballadores e accionistas polos grandes resultados e o incremento dos ingresos, “garantidos para unha década”, segundo asegura a propia empresa. Conseguiran acumular uns activos de 734 millóns de euros, e ingresaron ese ano 594 millóns. A Naviera Elcano disparou un 46% os seus beneficios de 2016 a 2017.

O dono do grupo, José Silveira Cañizares, é un dos homes máis ricos de España. Era o 138º máis rico en 2017 cun patrimonio neto de 300 millóns de euros, e en 2018 caeu ao posto 152 aumentando ata 310 millóns o seu patrimonio. Pode que sea certo iso de que os ricos “son cada vez máis ricos”.

ÚLTIMAS

Concello e deputación acordan reformar a bancada de Gol en Balaídos

A Xunta de Goberno do Concello de Vigo deu este luns luz verde ao...

Tres detidos en Portugal e máis 1.000 quilos de cocaína intervidos nos portos de Sines e Vigo

Unha investigación posta en marcha pola Polícia Judiciária de Portugal e que contou coa cooperación da...

Detectado e eliminado un punto de vertedura de augas residuais en Redondela

Os técnicos do Programa de Control de Verteduras, dependente de Augas de Galicia, detectaron un...

Investigadores explican que unha organización galega ía distribuír a droga intervida en melóns no porto

A cocaína intervida no porto de Vigo, camuflada nun cargamento de melones procedente de...