InicioMovementos SociaisOs condutores de Vitrasa, en pé de guerra contra as súas condicións...

Os condutores de Vitrasa, en pé de guerra contra as súas condicións de traballo

PUBLICADO O

- Advertisement -

O comité da empresa concesionaria do servizo de autobuses urbanos de Vigo, Vitrasa, comezou este xoves as mobilizacións para esixir a mellora das condicións de traballo e o cumprimento do convenio colectivo.

Desde CC.OO denuncian que Vitrasa utiliza persoal eventual en rotación para cubrir postos fixos. Esta fórmula, segundo o sindicato, incumpre o convenio colectivo. A organización pon como exemplo o caso recente dun traballador de cuxos servizos prescindiu a empresa, após seis anos encadeando contratos.

CCOO tamén esixe actualizar os horarios e percorridos das distintas liñas, “en moitos casos obsoletos e afastados da realidade da cidade”. Isto xera atrasos nos servizos e redución dos tempos de descanso estipulados para os condutores. Outra cuestión de saúde laboral que denuncia o sindicato é a ausencia de baños públicos a disposición dos condutores e das condutoras.

Outra crítica do persoal de Vitrasa é a realización de xornadas “abusivas” que superan o estipulado. “Por riba, a empresa négase a pagalas, incumprindo tamén neste punto o convenio”, censura Comisións.

A organización sindical tamén recolle outras queixas do persoal, como a mala calidade dos uniformes ou a falta de entrega dos mesmos. Aseguran que mediado setembro moitos non recibiron aínda as prendas do verán.

Por último, os traballadores e traballadoras da empresa de autobuses esixen a elaboración dun plan de igualdade, pois o actual leva caducado tres anos. As próximas mobilizacións serán o vindeiro xoves, día 27 de setembro, tanto fronte ao Concello de Vigo como ás portas da empresa. Dous días despois haberá unha asemblea de persoal na que se proporá comezar con paros parciais.

ÚLTIMAS

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...

O goberno de Vigo rexeita debater unha moción urxente sobre as festas

O grupo municipal do PSOE de Vigo rexeitou este luns debater unha moción de...