InicioSociedadeCondenado a cárcere o perruqueiro que agrediu sexualmente a dous menores en...

Condenado a cárcere o perruqueiro que agrediu sexualmente a dous menores en Vigo

PUBLICADO O

- Advertisement -

O perruqueiro de orixe venezolana xulgado en Vigo como presunto autor de dúas agresións sexuais a senllos menores foi condenado a un total de 16 anos de prisión, nunha sentenza que se coñeceu nas últimas horas (aínda que é de febreiro) e que foi recorrida polo seu defensa.

A sección quinta da Audiencia Provincial de Pontevedra considera probado que o acusado, J.A.H.F., que traballaba como perruqueiro a domicilio, agrediu sexualmente a dous mozos menores de 16 anos. O primeiro episodio tivo lugar no seu domicilio, o 16 de novembro de 2020, cando forzou a un neno a manter relacións sexuais completas, aínda sabendo que tiña infección por VIH e do risco que iso comportaba para o menor.

Como consecuencia destes feitos, o neno contaxiouse dunha enfermidade de transmisión sexual (unha gonorrea que foi tratada con antibióticos e cunha vacina contra o virus do papiloma humano) e sufriu danos psíquicos e tensión postraumática. A vítima tivo problemas de irritabilidade, ansiedade e perdeu un curso académico.

A outra agresión produciuse uns días máis tarde, tamén na vivenda do acusado, na que realizou tocamentos a outro menor co que quedara, coa escusa de porlle unha loción no cabelo. Neste caso, non quedaron acreditadas lesións.

Por estes feitos, o tribunal provincial condenou ao acusado a penas que suman 16 anos de prisión, multa de 1.080 euros, e liberdade vixiada por 12 anos, por dous delitos de agresión sexual sobre menor de 16 anos e un de lesións. Ademais, deberá indemnizar en máis de 27.000 euros ao primeiro mozo, e en 2.000 euros ao segundo, e tamén ao Sergas, en 2.265 euros, polos gastos derivados de asistencia sanitaria.

ÚLTIMAS

Cine Fraga, “o inicio da recuperación dun emblema cultural” de Vigo

O conselleiro delegado de Abanca, Francisco Botas; o presidente da Xunta, Alfonso Rueda, e...

Concello de Vigo e BNG cualifican de “estafa” a Vigo a compra do teatro Fraga

Unha hora despois de que Xunta, Abanca e Deputación de Pontevedra mercaran o histórico...

En busca e captura dous homes que atracaron cunha arma corta un local de hostalaría de Vigo

Buscan a dous homes que atracaron na madrugada deste venres cunha arma corta un local...

O BNG lanza unha ofensiva para evitar a “estafa do PP” de pagar a Abanca 9,3 millóns polo Cine Fraga

O BNG lanzou unha ofensiva institucional para evitar a "estafa do PP" de pagar a Abanca...