InicioVigo e contornaSoutomaiorFinaliza a concesión da 'Presa do Inferno' no río Verdugo e a...

Finaliza a concesión da ‘Presa do Inferno’ no río Verdugo e a Xunta ordena a súa demolición

O alcalde de Soutomaior, Agustín Reguera, aplaudiu a resolución da administración autonómica, que "pon fin a varios anos demandando o peche desta presa". "É unha gran noticia para as decenas de familias que viven do marisqueo e para todos os veciños", proclamou.

PUBLICADO O

A Xunta de Galicia notificou este xoves ao Concello de Soutomaior a súa decisión de pór fin á concesión do aproveitamento hidroeléctrico no río Verdugo, coñecido como ‘Presa do Inferno’, e a orde de demoler as instalacións para restaurar a canle orixinal do río.

O Concello de Soutomaior celebrou esta decisión, que vén avalada por informes de Augas de Galicia, despois de que a concesión da presa finalizase xa en 2017 (tras 131 anos de explotación).

A empresa titular da presa deberá acometer os traballos de demolición e a recuperación contorna. Así mesmo, antes dun mes terá que eliminar a canalización de auga cara á estación hidroeléctrica e deter de forma definitiva a súa actividade, segundo explicaron fontes municipais.

Para o resto de traballos de demolición, para os que deberá presentar un proxecto técnico, disporá dun prazo de 18 meses, unha vez obtidos os permisos necesarios.

O alcalde de Soutomaior, Agustín Reguera, aplaudiu a resolución da administración autonómica, que “pon fin a varios anos demandando o peche desta presa”. “É unha gran noticia para as decenas de familias que viven do marisqueo e para todos os veciños”, proclamou.

DEFENSA DA BIODIVERSIDADE

Reguera sinalou que a defensa da biodiversidade do río é tamén a defensa “dos recursos propios” dos veciños e da economía local,e engadiu que o deber das administracións é protexer esa contorna de danos, xa sexa en forma de centrais hidroeléctricas “ou de transvasamentos inútiles”, en alusión ao proxecto defendido polo goberno local de Vigo para mellorar o abastecemento á presa de Eiras e a subministración de auga á cidade olívica e outros municipios da contorna.

Segundo apuntou o rexedor, a eliminación da ‘Presa do Inferno’ implicará a recuperación dun tramo de 2 quilómetros do río Verdugo e de 5 quilómetros do río San Vicente. Isto permitirá a restauración da biodiversidade xa que, ata agora, a presa impedía o paso de especies migratorias como a anguía, o salmón ou a lamprea, ademais doutros prexuízos.

ÚLTIMAS

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...

Policías nacionais denuncian falta de efectivos no Nadal e piden unha vía de emerxencias libre de tráfico

Os sindicatos da Policía Nacional CEP e Jupol denunciaron este xoves falta de axentes na cidade de Vigo para...

Excarceran unha condutora tras saír da vía en Mos

A condutora dun turismo resultou ferida e tivo que ser excarcerada tras saírse da...