InicioMedio Ambiente e PatrimonioAnimalistas defenden a cancelación do "Campionato Galego de Caza con Arco ao...

Animalistas defenden a cancelación do “Campionato Galego de Caza con Arco ao Voo”

Os animalistas definen este campionato como "rebentar perdices e codornices con frechas"

PUBLICADO O

- Advertisement -

En algo máis dunha semana terá lugar no municipio de Soutomaior o “Campionato Galego de Caza con Arco ao Voo”, unha modalidade que, segundo defenden a Asociación Animalista Libera e a Fundación Franz Weber, consiste en “rebentar literalmente a paspallás (codornices) e perdices con frechas”.

As devanditas asociacións censuraron o apoio a este evento por parte da Xunta de Galicia: “Branquean” batidas masivas como actividades de corte deportivo, que aparecen no programa ‘Deporte Galego’, avalando como práctica saudable a morte de aves dunha forma cruel”.

Campionato de caza con arco, cartel

Neste sentido, os activistas sinalan que a caza con arco “é unha modalidade de extrema crueldade, onde os animais chegan a escapar coa frecha incrustada no seu corpo e agonizando ata unha morte lenta e dolorosa. Isto é o que permite a Xunta con toda naturalidade e facilidade como práctica legal en máis do 90% do territorio galego”.

FFW e LIBERA! instan á Xunta, á Deputación de Pontevedra e ao Concello de Soutomaior a que non dean soporte nin colaboración algunha “coa fórmula de pseudodeporte que quere implementar o lobby procaza na comunidade, obtendo subvencións públicas por matar animais”.

Os animalistas alertan, ademais, doutra singularidade coa perdiz, especie considerada “cinexética” e cuxa repoboación está sendo subvencionada por diferentes administracións públicas para posibilitar o que se cualifica como “caza sementada”, é dicir, matar paspallás de granxa que previamente foron liberadas nos cotos.

Estas organizacións advertiron sobre “o desequilibro evidente que se está producindo nos diversos ecosistemas de Galicia, onde as repoboacións de paspallás e coellos só teñen unha funcionalidade de lecer, pagadas con diñeiro público”.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...