InicioSociedadeOs alumnos do IES de Soutomaior rapean contra a violencia de xénero

Os alumnos do IES de Soutomaior rapean contra a violencia de xénero

Fomentando unha sociedade máis xusta ao ritmo da música.

PUBLICADO O

Unha canción, un grafiti ou unha simple rima, todo vale para enviar unha mensaxe clara contra a violencia de xénero. Este é o obxectivo principal do proxecto que as concelleiras de Mocidade e Igualdade, Noelia Ocampo e Cristina González, presentaron esta mañá no novo IES de Soutomaior.

Unha iniciativa na que participarán máis de 120 alumnos de secundaria e finalizará o próximo 8 de marzo coa creación dun gran grafiti e un concerto coas cancións dos alumnos.

Desta maneira, durante o próximo mes e medio, os mozos aprenderán a compoñer as súas propias letras e melodías musicais, a crear todo tipo de rimas, a situar os golpes de voz para resaltar unha mensaxe… todo cun obxectivo claro, utilizar o valor reivindicativo da arte e a música moderna como vehículo para difundir a súa mensaxe contra a violencia de xénero.

O proxecto conta con varias unidades didácticas destinadas a fomentar valores de igualdade entre os alumnos como a destinada a coñecer a obra de varias mulleres artistas e de especial relevancia na arte contemporánea.

A actividade finalizará o próximo 8 de marzo, Día Internacional da Muller, con dúas grandes actividades. En primeiro lugar, os alumnos crearán un gran grafiti colectivo no que representarán a súa mensaxe contra a violencia de xénero e co que decorarán os muros do novo instituto.

A continuación, celebrarase un gran concerto no que os alumnos farán públicas as súas composicións musicais. “Estamos convencidos de que a música é un dos mellores medios para conectar cos adolescentes, en concreto o música rap, e decidimos aproveitalo”, explica a edil de mocidade, Noelia Ocampo. Pola súa banda, a edil de Igualdade, Cristina González, destacou “a importancia de actuar a estas idades para conseguir atallar unha das grandes vergoñas da nosa sociedade, a violencia de xénero”.

ÚLTIMAS

Condenados a 5 e 4 anos de cárcere os dous acusados de dar unha malleira a dous mozos na rúa Hernán Cortés de Vigo

A sección quinta da Audiencia Provincial de Pontevedra, con sede en Vigo, condenou aos...

Máis de mil vigueses xa teñen representación no caso do Cártel dos Coches con 40.000 afectados en Galicia

A oficina de Vigo do despacho BGI LAW representa xa a máis de 1.000...

Novo desencontro entre traballadores de Vitrasa e a empresa que non cede a reitirar os expedientes contra traballadores

A reunión celebrada este luns entre o comité de empresa e a dirección de...

A Xunta apura ao novo ministro de Cultura para axilizar o proxecto da Biblioteca do Estado en Vigo

O conselleiro de Cultura, Educación, FP e Universidades, Román Rodríguez, trasladou ao novo ministro...