O salón de plenos do concello do Porriño foi hoxe testigo da presentación da IIIª Feira do Pan do Porriño. Coa asistencia das autoridades do Concello do Porriño (Concelleiro de Comercio e Alcaldesa do Porriño) e da Deputación de Pontevedra (Santos Héctor, deputado provincial de Turismo), as 8 panaderías que integran a asociación de panadeiros do Porriño (Argibay, Forno de Mosende, Amaquía, Erundina, Os Milagros, Erundina, Torneiros e Chinchina), presentaron xunto coa presidenta de ACIPOR, Juana Pérez Rodríguez, a programación da súa IIIª Feira que se desenvolverá os días 1 e especialmente o sábado 2 de Xuño.

Ademáis das 8 panaderías, a Feira conta con 8 marcas convidadas (queixos, viños, licores, embutidos, requesón, cervexas artesanas e marmelos tradicionais) e manterá como actividades centrais o pregón da cociñeira porriñesa Marta Rodal Saavedra, o Show Cooking de maridaxe coa escola EFA A Cancela, o Obradoiro de nenos e nenas “O Mini Pan” e o certame de “ Empanadas no Ring” ás 19:00 horas.

A presidenta de ACIPOR, Juana Pérez Rodríguez, agradeceu o traballo de todas as persoas comprometidas coa feira e afirmou que “comezamos con humildade no 2016, pero a velocidade e proxección da mesma, cada ano é maior e queremos que así siga a ser”.

A presentación da Feira estivo cargada de intres emotivos no que o Concelleiro de Comercio, Marcelino Coto, destacou o progresivo salto de calidade que a feira vai experimentando ano a ano.

Pola súa parte, o representante dos panadeiros Juan “Chinchina”, agradeceu a EFA A Cancela e a todas as marcas convidadas a súa colaboración, así como aos patrocinadores e dixo que ano a ano a Feira medra “ e non sabemos onte está o teito desta Feira, por iso agardamos que cada ano, poidamos ter máis apoio e seguir medrando”.

A Alcaldesa do Porriño, Dona Eva García de la Torre, indicou que a Feira do Pan é xa un referente no Porriño e que cada ano, mellora sen pausa, levando o nome do Porriño cada vez máis lonxe.

Na mesma liña se significou o Deputado Provincial de Turismo, Santos Héctor, que comprometeu o apoio da Deputación a un evento que cada ano ten mellor imaxe e prestixio en Pontevedra.

A apertura da Feira será o venres cunha degustación de pan do Porriño, cervexa artesana e xamón de castaña cortesía do grupo Coren. O sábado será o día grande da Feira e se agarda unha ampla asistencia de público.

A organización habilitou un aparcamento gratuito e varias mesas e cadeiras para que a xente poida quedar e xantar na feira. Dende a organización tamén se avisa que os interesados en participar no Show Cooking, poden inscribirse vía email en comunicacion@acipor.es dado que as prazas serán limitadas nesta ocasión.

O intre gracioso da presentación aconteceu cando panaderías, autoridades e marcas convidadas estaban facendo a foto de rigor e un peregrino a Santiago, púxose a sacar fotos e rematou tamén na foto oficial cunha bola de pan do Porriño, coa que ao final, foi agasallado, facendo valer a tradicional frase popular “Ei de facer o camino / cunha bota de viño / e unha bola de pan do Porriño”.