InicioMedio Ambiente e PatrimonioInvestigados dous veciños do Porriño por abandonar un can nun monte

Investigados dous veciños do Porriño por abandonar un can nun monte

O can, que faleceu poucos días despois, "supostamente por causas naturais".

PUBLICADO O

- Advertisement -

A Garda Civil investiga penalmente a dous veciños do Porriño (Pontevedra) acusados dun suposto delito relativo á protección da flora, fauna e animais domésticos, polo abandono dun can nun monte “en condicións nas que podía perigar a súa vida”.

Segundo informou o Instituto Armado, o can foi localizado pola patrulla do Seprona do Porriño abandonado no monte do Faro de Budiño, por mor dunha alerta cidadá recibida no Posto da Garda Civil desta localidade. “O animal carecía e microchip e tiña unha corda atada ao pescozo, enredada nunhas silveiras do monte, que lle impedía a súa liberdade de movementos”, destacaron as mesmas fontes.

Segundo as investigacións realizadas polo Seprona, o can foi abandonado no monte por unha parella de mozos, veciñas do mesmo municipio do Porriño, que resultaron ser os propietarios. Un centro de recollida de animais abandonados fíxose cargo do can, que faleceu poucos días despois, “supostamente por causas naturais”, apostilou a Benemérita.

As circunstancias do abandono do animal e nas condicións nas que se atopou, deron lugar a que unha vez localizados os seus responsables, notificáseselles penalmente a súa condición de investigados como presuntos autores dun suposto delito relativo á protección da flora, fauna e animais domésticos.As dilixencias instruídas en relación con estes feitos foron entregadas no Xulgado de Instrución número 2 do Porriño.

REACCIÓN DOS ANIMALISTAS

A Asociación Animalista Libera e a Fundación Franz Weber “aplaudiron” a detención dos dous mozos e reclamaron á Xunta “man dura administrativa” co obxectivo de sancionar o encadeaento permanente co máximo previsto na normativa: “5.000 euros, así como empezar a incluír as sancións accesorias, entre as que se atopa a inhabilitación para a tenencia de animais”, sinalaron.

“O caso do Porriño non é illado”, indicaron, para engadir que documentaron “máis de 380 casos de cans atados en Galicia”.

ÚLTIMAS

Concello e deputación acordan reformar a bancada de Gol en Balaídos

A Xunta de Goberno do Concello de Vigo deu este luns luz verde ao...

Tres detidos en Portugal e máis 1.000 quilos de cocaína intervidos nos portos de Sines e Vigo

Unha investigación posta en marcha pola Polícia Judiciária de Portugal e que contou coa cooperación da...

Detectado e eliminado un punto de vertedura de augas residuais en Redondela

Os técnicos do Programa de Control de Verteduras, dependente de Augas de Galicia, detectaron un...

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...