Os bombeiros rescataron a un home que caeu a un foso de metro e medio de profundida situado nas inmedaciones da vía do tren na localidade pontevedresa de Mos.

Segundo informa o CIAE 112 Galicia, a central de emerxencias tivo constancia do suceso da man do propio accidentado minutos despois das 17,00 horas deste mércores. Ata o lugar mobilizáronse os bombeiros do Baixo Miño para rescatar ao home, que non resultou ferido.

Tamén na tarde deste mércores, outro home foi evacuado en helicóptero ata un hospital con importantes feridas nunha perna provocadas por unha máquina coa que realizaba tarefas agrícolas nun monte de Agolada (A Coruña).

A vítima sufriu un corte nunha das súas pernas que derivou nunha ferida grave. Neste caso tamén foi o propio accidentado quen pediu axuda ao 112 ao redor das 15,00 horas.

A central de emerxencias mobilizou o helicóptero do 061 con base en Ourense, que se desprazou a Agolada para atender ao ferido, trasladado posteriormente ata un centro hospitalario.