Unha colisión múltiple ocorrida na mañá deste venres no termo municipal de Mos con dous camións e un autobús implicados saldouse sen feridos.

Segundo informou o 112 Galicia, este accidente tivo lugar no punto quilométrico 8 da A-55, en sentido a Vigo. Para asegurar as condicións de seguridade na autovía, foi preciso restrinxir o tráfico de vehículos nun carril de circulación.

Foi a condutora do autocar quen alertou ao 112 Galicia do accidente ás 9,20 horas deste venres, tras o que se pasou o aviso á Garda Civil de Tráfico, á Policía Local e ao Servizo Municipal de Emerxencias.

As mesmas fontes de emerxencias sinalaron que as persoas que viaxaban no coche de liña esperaron a chegada doutro autobús para completar o seu traxecto.