O xefe do Executivo autonómico e líder dos populares galegos, Alberto Núñez Feijóo, relacionou cun intento de “fraude electoral” a denuncia efectuada pola alcaldesa de Mos (Pontevedra), Nidia Arévalo (PPdeG), dun suposto delito de fraude e suplantación de identidade en relación con cobres da auga no seu concello.

Cuestionado sobre o asunto este xoves durante a súa comparecencia ante os medios tras a reunión do seu equipo de goberno, Núñez Feijóo cualificou de “feitos gravísimos” os denunciados pola súa compañeira de partido, que ve orientados a “difamar” a Arévalo. Nesta liña, indicou que as forzas da orde xa investigan o suposto envío de recibos da auga falsificados, á vez que mostrou a súa confianza en que “os veciños tomen nota” do ocorrido de face á cita coas urnas do próximo domingo.

“Bastante ben débeo estar a facer a alcaldesa de Mos para que se expoñan este tipo de accións a tres días de votar”, remarcou Núñez Feijóo, que encadrou a polémica nun intento por “difamar” a Arévalo con “a metodoloxía do que agora chaman nova política”.