O Concello de Vigo decidiu suspender todos os eventos autorizados na vía pública para este sábado, entre eles a carreira de San Silvestre, pola alerta meteorolóxica.

Segundo informan nun comunicado, fano como medida preventiva, “por prudencia e seguridade”. Tamén se cancela a festa de fin de ano na Praza de América e a actividade das atraccións do Nadal da cidade.

No comunicado, o Goberno municipal fai un chamado á cidadanía para que extreme a precaución nos seus desprazamentos ao aire libre.