Unha persoa sufriu a amputación de varios dedos dunha man ao explotarlle un petardo cando se atopaba na rúa Doutor Cadaval, en Vigo.

Segundo comunicou o 112 Galicia, este suceso ocorreu nesta rúa da cidade olívica sobre as 01,30 horas da madrugada deste sábado. Foron os profesionais do Servizo de Urxencias Sanitarias de Galicia-061 os que acudiron a atender ao ferido e deron aviso ao 112 Galicia.

Ata o lugar, ademais dos profesionais sanitarios, desprazáronse tambián axentes da Policía Nacional e da Policía Local tras recibir os avisos do 112.