O alcalde de Vigo, Abel Caballero, asegurou que será nos meses de “maio ou xuño” cando se someterá a información pública o proxecto da autovía entre a cidade olívica e O Porriño por túnel, que suporá un investimento duns 300 millóns de euros.

Así o sinalou tras reunirse este pasado martes co director xeral de Estradas, Juan Pedro Fernández Palomino, quen indicou ao rexedor que o túnel terá uns 4,2 quilómetros dos 9 quilómetros que percorrerá esta autovía para evitar o actual trazado da A-55.

Caballero indicou que se prevé que o proxecto estea terminado na primavera, cando será sometido a información pública. Esta iniciativa permitirá eliminar “todos os tramos conflitivos” da actual estrada, segundo subliñou Caballero.