O alcalde de Vigo, Abel Caballero, anunciou este venres que o concello da cidade olívica dará unha axuda de 100.000 euros para impulsar a Feira Internacional de Produtos do Mar Conxelados (Conxemar), á vez que pedirá a Xunta e Goberno a mellora dos accesos ao Instituto Feiral (Ifevi), lugar no que se celebra este evento.
En rolda de prensa, o rexedor vigués destacou, tras reunirse con responsables de Conxemar, que, con esta achega, o goberno local quere “contribuír ao máximo na posta en marcha de Conxemar”. “Estamos a falar dunha feira moi importante para Vigo e nós queremos formar parte do éxito de Conxemar”, sinalou Abel Caballero.
Fíxoo despois de que asegurar que no caso da Cidade da Cultura, de Santiago de Compostela, a Xunta de Galicia “fixo un acceso específico desde a autoestrada e en Vigo non fixeron nada aínda”. “Levamos tempo esperando e como reclamándoo ao Goberno galego”, criticou.
