Sobre as 16:00 horas da tarde do domingo un veciño da zona alertaba ao 112 de fume nunha nave anexa á fábrica da antiga Pontesa na parroquia de Ponte Sampaio, Pontevedra.

O lume orixinouse nunha queima controlada de grans de soia no interior da nave por parte de operarios do propio almacén. Por causas aínda descoñecidas a queima afectou á cuberta e provocou que se espállase rápidamente.

Unha vez insitu os equipos de emerxencia e operarios do almacen conseguiron retirar e controlar o incendio inicial retirando a soia ardendo. Cando daban por extinguido o lume inicial, produciuse unha explosión que deu lugar a un incendio que espallouse rápido e que obrigou a cortar a N-550.

Fontes sinalan que os cereais poideron ser o combustible que orixinou esa deflagración que expallou o lume, dada a virulencia da mesma.

Ata o lugar desprazáronse varias dotazóns de bombeiros de Pontevedra, Garda Civil, Policía Local, Policía Nacional e Protección Civil de Soutomaior. O lume xa está controlado polos bombeiros, e calcinou unha das estruturas, aínda que as contiguas están fóra de perigo.

A Xunta de Galicia activou o Plan Territorial de Emerxencias de Galicia, Platerga. A estrada reabría preto das 21,00 horas tras permanecer cortada desde o km 132.2 en Paredes ata o 133.6, en ambos os sentidos, desde as 19,00 horas. Tamén a esta hora, o propio Concello de Pontevedra informaba de que os bombeiros confirmaron que o incendio xa foi controlado.

Segundo informou o 112, co Platerga “garántese a coordinación entre os organismos mobilizados para facer fronte á situación de risco”. Na zona traballan os Bombeiros de Pontevedra, do Morrazo, de Ribadumia, a AVPC de Soutomaior, a Garda Civil e a Policía Local. Ademais, están a empregarse dúas cisternas da Axencia Galega de Emerxencias de gran capacidade para fornecer auga aos medios desprazados.

TRES FERIDOS

Pola súa banda, o 061 informou de que recibiron a alerta do incendio ás 18,09 horas. Ao lugar desprazaron dúas ambulancias asistenciais de Soporte Vital Avanzado e outra de Soporte Vital Avanzado Enfermeiro de Urxencias Sanitarias de Galicia – 061.

Polo momento atenderon a tres feridos por queimaduras, dous deles socorridos no propio lugar –uno dado de alta do que non constan datos e outro, un home de 44 anos–, así como outro de 59 anos que foi trasladado ao Hospital da Coruña con queimaduras de consideración.