Un incendio rexistrado ás 23,45 horas deste luns nun mesón de Vigo saldouse con danos materiais, dado que arderon un par de freidoras e a campá extractora do local. O suceso tivo lugar na Rúa Aguia, á altura do número 5. Foi veciñanza da zona os que alertaron ao 112, tras observar que había fume no interior do mesón.

O 112 pediu a intervención dos Bombeiros de Vigo e, ante a posibilidade de que algunha persoa puidese resultar afectada, os xestores de emerxencias avisaron a Urxencias Sanitarias. Finalmente, os membros do Servizo de Extinción Prevención de Incendios e Salvamento confirmaron que ninguén resultou ferido.

Ata o lugar acudiron os axentes da Policía Nacional. Así mesmo, deuse aviso á Policía Local e aos efectivos de Protección Civil da cidade.