Un home foi detido en Vigo por matar a unha veciña con arma branca. Os feitos producíronse este domingo e o home, segundo informa a Policía Nacional, foi detido por homicidio.
A Policía Nacional ratificou que tanto o presunto homicida como a muller morta eran veciños do mesmo bloque e mesmo andar, nun edificio da Rúa Zamora, á altura do número 70, na cidade olívica.
Así mesmo, confirmou que o detido ten 63 anos e a vítima, á que abordaría na entrada do seu domicilio, 56 anos.
VECIÑOS APUNTAN QUE SE SENTÍA ACOSADA, PERO NON HAI DENUNCIAS PREVIAS
Segundo transcendeu, outros veciños do inmoble relatan que a vítima dixeralles que o home, co que tería algún conflito previo, levaba días deixándolle notas e que se sentía acosada. En todo caso, a Policía Nacional sinalou que non constan denuncias entre eles. Está previsto que o home pase a disposición xudicial este martes.
O detido agardou a chegada da policía coas mans aínda ensanguentadas confirmandolles directamente o asasinato “está muerta”. Un veciño ao que o resto do vencindario sinala como “conflictivo”
DÍA DE LOITO
O Concello de Vigo decretou un día de loito oficial e bandeira a media hasta en memoria da muller que morreu tras ser apuñalada por un veciño este domingo. “Trasladamos o noso pésame á familia e mostramos o noso rexeitamento a un crime tan terrible“, traslada nun comunicado.
REXISTRO NO PISO
A Policía Nacional trasladou na mañá deste luns ao sexaxenario que presuntamente matou a súa veciña en Vigo ao lugar dos feitos para rexistrar o piso e obter probas sobre o ocorrido.
Pasadas as 13,30 horas da mañá deste luns, axentes da Policía Nacional, acompañados de avogados e o xuíz de garda, trasladaron o home ao número 70 do edificio de rúa Zamora para pescudar máis sobre o que pasou.
A berros de “asasino”, “cabrón”, “lercho” ou “oxalá podrezas no cárcere”, veciños do inmoble cargaron contra o home á súa chegada ao lugar. Tras media hora no interior do mesmo, os funcionarios volveron introducir o presunto asasino no coche policial, recibindo de novo berros dos seus veciños.
Esta tarde, a Policía Nacional estaba a tomar declaración ao home, debido a que esta noite foi derivado a un centro sanitario antes de ingresar nos calabozos, onde permanecerá ata pasar a disposición xudicial mañá martes.
Fontes coñecedoras da investigación confirmaron que o home, de 62 anos aínda que cumpre 63 este ano, mantiña relacións tensas coa comunidade de veciños e sería o autor de varias notas ameazantes contra a veciña morta.
