InicioSucesosDetido en Vigo un home por violencia de xénero tras deixar inconsciente...

Detido en Vigo un home por violencia de xénero tras deixar inconsciente na rúa a súa parella

PUBLICADO O

- Advertisement -

Un home, A.A.G.P. das Palmas e 42 anos de idade, foi detido na noite deste luns en Vigo tras agredir á súa parella e deixala tirada inconsciente na rúa. Foi sobre as 22,45 horas cando a Policía Local recibiu unha chamada de alerta, que informaba de que unha muller, de nacionalidade colombiana e 21 anos, fora golpeada pola súa parella, encerrándose ela nunha habitación por medo a volver ser agredida.

Unha vez no lugar, os axentes entrevistáronse coa suposta vítima, que manifestou que horas antes se atopaba paseando coa súa parella pola zona de Samil, momento no que se iniciou unha discusión entre ambos.

No transcurso da mesma, o home propinoulle un bofetón no lado dereito da cara, chegando ela a perder o coñecemento e deixándoa abandonada no lugar.

Unha vez recuperou a conciencia, a muller localizou ao home, co cal volveu ter outro altercado, encerellándose ambos e caendo ela ao chan, onde a golpeou no rostro. Tras isto, foi auxiliada por un cidadán, que a levou ata o seu domicilio. Alí tamén estaba o suposto agresor, que foi detido como presunto autor dun delito de violencia de xénero.

ÚLTIMAS

Caballero “tende a man” a Rueda e pide un encontro

O alcalde de Vigo, Abel Caballero, pediu un encontro co presidente da Xunta, Alfonso Rueda, para...

O Concello media coa compañía eléctrica para que reactive a luz á familia do Calvario con dous fillos menores

Os servizos sociais do Concello de Vigo mediaron coa compañía eléctrica para solicitar a reactivación da...

Descenden os cuceiristas no porto de Vigo

O porto da Coruña recibiu un total de 74.263 pasaxeiros de cruceiros no primeiro...

(Vídeo) A Confederación Hidrográfica investiga o vertido da cidade deportiva do Celta tras a denuncia de Ecoloxistas en Acción

Este martes, representantes de Ecoloxistas en Acción, xunto con membros das traídas de auga...