InicioEconomíaCaballero presume da Porta do Sol: "É a primeira que houbo en...

Caballero presume da Porta do Sol: “É a primeira que houbo en España”

O V Xornada TurisTIC da Deputación reunirá en Vigo a expertos para falar do "futuro do turismo"

PUBLICADO O

- Advertisement -

O auditorio Mar de Vigo da cidade olívica reunirá o próximo 27 de setembro a decenas de expertos en turismo, con motivo do V Xornada TurisTIC, promovida pola Deputación de Pontevedra, e na que se falará “do futuro do turismo”.

Así o avanzou en rolda de prensa a presidenta do organismo provincial, Carmela Silva, que explicou que a xornada contará coa presenza do secretario de Estado de Turismo, Fernando Valdés, así como coa participación de decenas de expertos nesta actividade, profesionais do sector e prensa especializada.

Para Silva, que a cidade se vaia a converter ese día en “capital” dunha xornada sobre turismo “non debe sorprender” porque tanto Vigo como as Rías Baixas convertéronse nos destinos con maior porcentaxe de pernoctacións. Así, lembrou que os datos de ocupación deste verán son “estratosféricos”.

Coa lema ‘Do quilómetro cero ao metaverso’, as V Xornada TurisTIC, reunirán en Vigo, para celebrar o Día Internacional do Turismo, a relatores como Lorena Varela, xerente da Ruta do Viño Rías Baixas; o chef Rafa Centeo; Erich Eichstetter, do Basque Culinary Centre; Mar Rodríguez, de Tee Travel; Mónica Crisóstomo, CEO de Ideas Peregrinas; Sara Sánchez, CEO de Rusticae; Beatriz Heras de ITH; Xoel Vázquez, cofundador de Xoia Extending Reality; ou Vicky Vasán, de InmersivaXR.

A xornada culminará cunha visita pola cidade dos participantes, abordo do bus turístico, para que poidan, entre outros aspectos, coñecer o Programa de Medianeiras do Concello de Vigo.

“FENÓMENO TURÍSTICO E CULTURAL”

Pola súa banda, o alcalde de Vigo, Abel Caballero, puxo en valor a cidade como destino turístico, e o “fenómeno” que se desenvolveu nos últimos anos, convertendo a urbe olívica en parada obrigada para miles de visitantes, tanto no verán como en Nadal e noutras épocas do ano.

Somos unha potencia turística en España“, proclamou, e chanceou asegurando que “a primeira Porta do Sol” que hai no país xa é a de Vigo, por diante da de Madrid. Así mesmo, advertiu de que a cidade ten marxe para crecer nesta actividade porque a súa “vocación turística” é “ilimitada”.

ÚLTIMAS

40 axentes homenaxean a un compañeiro da Garda Civil que estivo un ano nun hospital tras un atropelo

Preto de 40 axentes da Garda Civil e numeroso persoal do Hospital Vithas...

Juan Carlos I chega de novo a Peinador para regatear en Saxenxo

Tal e como se esperaba, o rei emérito Juan Carlos I aterrou este mércores...

O PP critica que Caballero non explicase as súas “chapuzas e irregularidades” tras un ano do concerto de Guns N’Roses

O PP de Vigo lamentou que pasase xa un ano do concerto do grupo Guns N'Roses...

Arquivan a causa contra o chofer do autobús accidentado en Cerdedo-Cotobade onde faleceu un rapaz de Nigrán en 2022

O xulgado de instrución número 1 de Pontevedra ditou o sobresemento da causa contra...