InicioSociedadeFredi Leis actuará en Vigo o próximo 25 de novembro

Fredi Leis actuará en Vigo o próximo 25 de novembro

O cantautor presentará o seu novo álbum 'Temas Privados'.

PUBLICADO O

O novo cantautor compostelán Fredi Leis ofrecerá un concerto no Teatro Afundación de Vigo o próximo 25 de novembro, que se enmarca dentro da programación musical do Xacobeo 21-22. Así o anunciou este martes a delegada da Xunta en Vigo, Marta Fernández-Tapias, quen realizou a presentación do evento xunto ao director da axencia Art Music Agency, Alberto Alfonso.

Desta maneira, Fredi Leis presentará por primeira vez en Vigo o seu novo álbum ‘Temas Privados’. “Cun estilo moi propio que destaca polas súas letras poéticas, melodías sinceras e arranxos intimistas, o cantautor lembrará éxitos de traballos anteriores e presentará, por primeira vez en directo, o seu novo disco, un proxecto con 10 cancións inéditas como ‘A Novena”, indicou a organización nun comunicado.

As entradas sairán á venda na plataforma Ataquilla este 15 de setembro ás 10,00 horas. “O Xacobeo seguirá moi presente en Vigo durante os últimos meses do ano e aínda quedan varias citas para gozar da música”, reivindicou Fernández-Tapias.

ÚLTIMAS

Abel Caballero celebrará un pleno extraordinario contra o “veto por ideoloxía” a varias relatoras nun programa da Deputación

O alcalde de Vigo, Abel Caballero, anunciou este venres que a próxima semana convocará un...

A Xunta Electoral arquiva unha denuncia do PP por declaracións de Hereu na súa visita a Redondela e Vigo

A Xunta Electoral de Galicia decretou o arquivo dunha denuncia formulada polo PPdeG en...

O Porto de Vigo pecha xaneiro como líder nacional en movemento de vehículos, con 55.801 unidades

O Porto de Vigo pechou xaneiro deste ano arrebatando o liderado en movemento de vehículos á...