InicioEconomíaTraballadores do comercio do Metal retoman as mobilizacións para urxir do desbloqueo...

Traballadores do comercio do Metal retoman as mobilizacións para urxir do desbloqueo da negociación do convenio

Cualificaron como "miserable" a última proposta da patronal

PUBLICADO O

Traballadores e traballadoras do sector do comercio do Metal da provincia de Pontevedra retomaron este martes as mobilizacións para reclamar o desbloqueo na negociación do convenio colectivo, cunha concentración ante a sede da Confederación de Empresarios en Vigo.

Os sindicatos CC.OO., CIG e UXT cualificaron como “miserable” a última proposta da patronal, que expón un convenio con vixencia ata 2023, “sen incremento salarial nos dous primeiros anos”, cunha subida do 6,5 % para 2022 (desde xaneiro e sen revisión) e unha subida do 3 % para 2023 (con revisión ata un tope do 4 %).

Segundo denunciaron, a oferta non contempla nin redución de xornada anual nin outras melloras nas condicións laborais, polo que as centrais iniciaron o pasado mes de xuño unha campaña de protestas, e non descartan a convocatoria de folga. Ante a actitude “inmobilista” da patronal, os sindicatos optaron por solicitar a mediación do AGA.

O convenio colectivo do comercio do Metal abarca actividades como comercio de electrodomésticos, ferraxaría e material de oficina, recambios e accesorios de vehículos, almacéns e almacenistas de material eléctrico, xoiaría, concesionarios de vehículos e establecementos de venda de pneumáticos, entre outros.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...