InicioSucesosDeteñen e retiran a patria potestade á nai dunha nena maltratada en...

Deteñen e retiran a patria potestade á nai dunha nena maltratada en Vigo

O irmán da muller foi arrestado tras agredir á nena nun parque da cidade.

PUBLICADO O

Un xulgado de Vigo retirou a patria potestade e a garda e custodia da súa filla a unha muller que foi detida o pasado fin de semana como presunta autora dun delito de malos tratos no ámbito familiar, e cuxo irmán tamén foi arrestado tras ser sorprendido nun parque da cidade golpeando e insultando á nena.

Segundo informou a Policía Local de Vigo, os feitos ocorreron a última hora da tarde do sábado, cando unha testemuña alertou ao 092 da presenza dun home nun parque infantil da rúa Jenaro de la Fuente, que estaba a agredir e insultar unha nena duns 5 ou 6 anos.

Unha patrulla desprazouse á zona e localizou ao sospeitoso, J.A.R.A., vigués de 34 anos de idade, nas inmediacións do parque. Ao ser preguntado polos axentes, o home mostrouse contrariado e molesto, e relatou que era o titor legal da nena e que a nai, a súa irmá, se atopaba lonxe.

Cando os policías o informaron de que contactarían cos servizos sociais para que se fixesen cargo da nena, o home chamou por teléfono á súa irmá para que acudise ao lugar. Durante o tempo de espera, a pequena explicou aos policías que a súa nai e o seu tío lle pegaban “porque se portaba mal”, e os funcionarios puideron comprobar que a menor presentaba negróns de diferentes tonalidades en brazos e pernas.

LESIÓNS COMPATIBLES CON MALOS TRATOS

Pouco despois presentouse no lugar a nai, J.C.A., de 30 anos de idade, e negou agredir nunca á súa filla. Con todo, cando os axentes lle dixeron que a nena debía ser trasladada ao hospital para a súa valoración, a muller negouse.

Aínda así, a Policía requiriu a presenza dunha ambulancia, que trasladou á nena ao Hospital Álvaro Cunqueiro, onde os médicos a exploraron e certificaron que presentaba lesións en diverso grao de evolución compatibles con malos tratos. Este diagnóstico foi logo corroborado pola forense de garda.

Por estes feitos, a Policía Local procedeu á detención tanto da nai da nena como do tío. Posteriormente, o xulgado de Instrución número 5 de Vigo acordou a retirada da patria potestade e a garda e custodia á nai. Así mesmo, tanto a muller como o seu irmán teñen prohibido achegarse ou comunicarse coa nena.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...