InicioMedio Ambiente e PatrimonioLocalizan un artefacto incendiario no distrito forestal de Vigo-Baixo Miño

Localizan un artefacto incendiario no distrito forestal de Vigo-Baixo Miño

Trátase dunha cabicha provista dun sistema de ignición, concibida para ser depositada no monte e prender lume de maneira retardada.

PUBLICADO O

Efectivos da Unidade de Investigación de Incendios Forestais (UIFO) da Consellería do Medio Rural localizaron un artefacto incendiario que provocou un conato de incendio, xa extinguido, no distrito forestal XVIII (Vigo-Baixo Miño).

En concreto, trátase dunha cabicha provista dun sistema de ignición, concibida para ser depositada no monte e prender lume de maneira retardada, para dar tempo ao incendiario a distanciarse do lugar.

Esta proba foi achada nun conato de lume que quedaba extinguido esta madrugada, grazas á rápida intervención dos servizos anti incendios. O levantamento do achado fíxose de forma conxunta coa Garda Civil, que se encargará agora de procesar e analizar a proba.

A localización deste dispositivo forma parte do traballo dos profesionais da UIFO diseminados por todo o territorio galego en tarefas de investigación e vixilancia. Un labor que se apoia tecnicamente no uso de novas tecnoloxías, como é o caso dos drones, así como no sistema de vixilancia posto en marcha pola Xunta, cun total de 148 cámaras instaladas por toda Galicia e que mesmo permite identificar matrículas de vehículos.

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un conductor que superaba por cinco puntos a taxa de alcol permitida

A Policía Local de Redondela interceptou o pasado domingo a un home, veciño de...