O alcalde de Vigo, Abel Caballero, e a presidenta da Federación Olívica de Asociacións de Nais e Pais de Alumnos (Foanpas), Iria Salvande, asinaron este mércores un convenio de colaboración para financiar as bolsas de comedor ao alumnado dos centros públicos da cidade, polo que o Concello destinará máis de 600.000 euros.

Tal como indicou o rexedor en rolda de prensa, esta cantidade será achegada a Foanpas para bolsas de comedor e para actividades extraescolares da cativada.

En concreto, máis de 460.000 euros destinaranse a bolsas comedor, pero tamén existe unha porcentaxe para gastos de persoal e outro para que poidan operar as aulas matinais e as actividades extraescolares, facilitando a conciliación laboral.