As entradas do concerto de Tanxugueiras no auditorio de Castrelos de Vigo sairán á venda este xoves, día 21 de xullo, por 5 euros para acceder á platea, mentres que na bancada se poderá acceder gratis.

Tal como anunciou o alcalde, Abel Caballero, volverase a repetir o mesmo sistema utilizado nos últimos concertos organizados en Castrelos polo Concello. Así, sairán 4.000 entradas á venda a través de Internet, 2.000 unidades ás 10,00 horas e outras 2.000 ás 17,00 horas.

Pola súa banda, unhas mil entradas estarán dispoñibles de forma presencial no despacho de billetes da Praza do Rei; 500 delas ás 10,00 horas e outras 500 ás 17,00 horas. Caballero asegurou que en apenas minutos as entradas de Love of Lesbian, que saíron á venda este mércores, acabáronse.