InicioEconomíaAbsoltos seis sindicalistas da CIG denunciados pola ocupación simbólica de Barreiras

Absoltos seis sindicalistas da CIG denunciados pola ocupación simbólica de Barreiras

PUBLICADO O

Os seis sindicalistas da CIG que foran denunciados por supostas coaccións leves tras a ocupación simbólica do estaleiro vigués Barreras foron finalmente absoltos despois de que a administración concursal da empresa decidise renunciar a continuar coas accións penais.

Foi o pasado 9 de xullo cando o Xulgado de Instrución número 5 de Vigo fixo pública a sentenza na que absolvía ao seis acusados, entre eles o secretario comarcal da CIG, Alberto Gonçalves, e o responsable da CIG-Industria de Vigo, Xulio Fernández.

Os sindicalistas foran xulgados o pasado 18 de abril tras a denuncia por coaccións leves presentada pola propia administración concursal e pola propietaria do estaleiro tras a ocupación simbólica das instalacións da compañía o 27 de maio de 2021 para esixir solucións á crise que atravesaba a firma.

Durante o proceso quedou claro que Barreiras pretendía criminalizar a loita obreira e escarmentarnos por ser o único sindicato que alzou a voz para denunciar todas as tropelías que estaban a levar a cabo”, criticou Gonçalves.

Neste sentido, segundo recolle a CIG nun comunicado, o sindicalista considera que a antiga dirección do estaleiro quería seguir coas accións penais, pero que foi a administración concursal a que apostou por renunciar e readmitir tamén ao delegado da CIG no comité que fora despedido tras a ocupación.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...