O alcalde de Baiona, Carlos Gómez Prado, informou este sábado de que o incendio declarado ás 00,39 horas do venres segue “baixo control” e precisou que a intensidade do vento descendeu, así como as temperaturas, polo que tamén baixou o risco de que se “reavive o lume”.
Aínda así, mantivéronse durante toda a noite reténs constantes de bombeiros e de persoal da Garda Civil, xa que a superficie queimada no incendio é ampla e, segundo o rexedor, pode ser necesario continuar con labores de finalización. “Debemos estar en alerta máxima“, explicou o rexedor, quen agradeceu os labores dos medios de extinción e a colaboración entre administracións.
A Consellería de Medio Rural trasladou que quedou extinguido ás 00,53 horas o lume forestal de Baiona, que ademais obrigou a desaloxar preventivamente oito vivendas, aínda que os veciños xa puideron regresar ás mesmas pouco despois. Rexistrado na parroquia de Baredo, afectou a 46 hectáreas arboredos.
