InicioSociedadeO Claustro da UVigo celebra a súa sesión constituínte

O Claustro da UVigo celebra a súa sesión constituínte

A Universidade dá inicio a unha nova lexislatura tras a reelección, o pasado 4 de maio, de Manuel Reigosa como reitor.

PUBLICADO O

- Advertisement -

O novo Claustro da Universidade de Vigo celebrou este xoves a súa sesión constituínte e deu inicio a unha nova lexislatura, tras a reelección, o pasado 4 de maio, de Manuel Reigosa como reitor.

A deste xoves foi a primeira reunión da novena lexislatura dun órgano formado por 228 membros, dos que 203 foron elixidos o proceso electoral de maio pasado (e 25 son membros natos, entre eles o reitor, o secretario xeral, as e os decanos e directores/as das facultades e escolas).

Unha vez constituída a Mesa do Claustro votouse o Consello de Goberno, que quedou formado polo reitor, o secretario xeral, a persoa que ocupe a Xerencia, 15 membros designados polo reitor e 20 membros elixidos polo Claustro (dos que 8 corresponden ao sector PDI-A, 2 ao sector PDI-B, 8 aos estudantes e 2 ao colectivo de PAS).

Tamén se elixiron 15 membros entre decanos/as e directores/as dos centros e departamentos. Completan o Consello de Goberno tres representantes do Consello Social, que non pertencen á comunidade universitaria, e recoñécese a presenza, con voz, de catro representantes sindicais.

Por outra banda, elixiuse aos 12 membros da Comisión Electoral, aos membros dos Consellos dos campus e da Comisión de Reclamacións.

ÚLTIMAS

Stellantis reduce a súa proposta de ERE para un máximo de 80 traballadores e o ERTE baixa de 85 a 75 días en 2025

A dirección de Stellantis Vigo fixo este venres unha nova proposta a sindicatos para os expedientes...

Caballero arremete contra Néstor Rego (BNG) por oporse á nova A-52: “Veñen a Vigo a mentir”

O alcalde de Vigo, Abel Caballero, arremeteu este venres contra o BNG e contra o deputado Néstor...

As borrascas destapan novamente o ‘bosque fósil’ da praia de Patos

A Praia de Patos (antes Praia D'Abra), en Nigrán, é famosa polo seu ambiente...

66 afectados con 25 días de indemnización por ano traballado, así é o acordo de ERE na Levantina

A filial de Levantina no Porriño, Levgranite, comunicou este xoves que alcanzou un acordo...