InicioSucesosPetición de 12 anos de cárcere para tres acusados de introducir haxix...

Petición de 12 anos de cárcere para tres acusados de introducir haxix en Vigo desde Alxeciras

O xefe deste grupo, que ten antecedentes por tráfico de estupefacientes, estaba a ser vixiado pola Policía, e así foi como os axentes pescudaron que establecera un sistema de distribución de haxix que previamente adquiría no sur de España, e para o que contaba coa colaboración doutros dous acusados.

PUBLICADO O

A Fiscalía pide penas que suman 12 anos de cárcere para tres acusados dun delito de tráfico de drogas, que adquirían haxix na zona de Alxeciras para logo distribuílo na área de Vigo, e que serán xulgados este xoves na sala do Penal 2 da cidade olívica.

Segundo o escrito de acusación pública, o xefe deste grupo, que ten antecedentes por tráfico de estupefacientes, estaba a ser vixiado pola Policía, e así foi como os axentes pescudaron que establecera un sistema de distribución de haxix que previamente adquiría no sur de España, e para o que contaba coa colaboración doutros dous acusados.

Froito das pescudas, as forzas policiais puideron interceptar a dúas dos membros do grupo en marzo de 2021, cando regresaban precisamente dun desas viaxes desde Alxeciras. Ao inspeccionar o vehículo, os funcionarios atoparon en varias ‘caletas’ (habitáculos disimulados no interior da carrozaría do coche) 28 bolsas que contiñan máis de 2.700 landras de haxix, cun total de 27,5 quilos desta droga.

Así mesmo, no rexistro da vivenda do responsable de coordinar o transporte e de dirixir a venda (que foi detido dous días despois tras fuxir e hospedarse nun hotel cun nome falso), os axentes incautáronse de material relacionado co tráfico de drogas, así como cartóns de teléfonos prepagamento, e diversa documentación.

Por estes feitos, o ministerio público solicita para o responsable do grupo, ao que aplica a agravante de reincidencia, a pena de 4 anos e medio de prisión e o pago dunha multa de 450.000 euros. Para cada un dos outros dous procesados solicita 3 anos e 9 meses de cárcere, e multa de 300.000 euros.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...