InicioEconomíaBarreras acepta readmitir ao delegado da CIG despedido o verán pasado

Barreras acepta readmitir ao delegado da CIG despedido o verán pasado

Así o comunicou o sindicato CIG, que lembrou que Rafa Pérez foi vítima das "represalias" da empresa, ao ser despedido por unha ocupación simbólica do estaleiro organizada polo sindicato como medida de protesta pola situación da empresa e do sector naval.

PUBLICADO O

- Advertisement -

A administración concursal do estaleiro vigués Fillos de J. Barreras aceptou a readmisión de Rafa Pérez, delegado da CIG que foi despedido en xullo do ano pasado, de maneira que, unha vez reincorporado ao persoal, poderá abandonar a empresa nas mesmas condicións que o resto dos seus compañeiros, tal e como solicitaron os sindicatos na mesa negociadora do ERE.

Así o comunicou o sindicato CIG, que lembrou que Rafa Pérez foi vítima das “represalias” da empresa, ao ser despedido por unha ocupación simbólica do estaleiro organizada polo sindicato como medida de protesta pola situación da empresa e do sector naval.

Tras un proceso de liquidación, o xulgado Mercantil adxudicou a unidade produtiva de Barreras á empresa Armón, cuxa oferta inclúe a incorporación de só 20 traballadores do estaleiro. Para o resto, ao redor dun centenar, está a negociarse un Expediente de Regulación de Emprego.

A CIG sinalou que, ante o proceso de liquidación de Barreras, “todo o persoal debería de contar cos mesmos dereitos”, e apuntou que o delegado despedido, que estaba pendente de xuízo, quedaba “nunha especie de limbo”. Agora, poderá abandonar a empresa, no caso de que non se poida parar o ERE, nas mesmas condicións que o resto de operarios.

ÚLTIMAS

Falece un mozo en Vigo tras ter un accidente cunha carretilla elevadora

Un mozo de 24 anos de idade faleceu este xoves en Vigo tras sufrir...

Un ano de cárcere por deixar morrer de fame a cinco cans en Gondomar

Un home aceptou este xoves un ano de cárcere por deixar morrer de fame...

Nova imaxe gráfica do Marisquiño 2024, unha homenaxe aos adhesivos dos 90 no grafiti e ‘skate’

Os artistas Nano4814 e Sekone foron os encargados de deseñar a imaxe gráfica do...

Detido un mozo de 18 anos por roldar a vivenda dunha muller sobre a cal tiña unha orde de afastamento

A Policía Local de Vigo detivo na tarde deste pasado mércores a un mozo, S.G.B. de...