A localidade pontevedresa do Porriño recuperará este ano as súas tradicionais alfombras florais do día de Corpus Christi, polo que as súas rúas volverán estar cubertas de pétalos o vindeiro domingo, día 19 de xuño.

Nun comunicado, o concello anunciou que un grupo de voluntarias da Asociación de amas de casa, consumidores e usuarios Rosais xa comezaron os preparativos para poder levar a cabo os tapices.

“O entusiasmo destas mulleres non só fará máis fermosa, se cabe, a vila, tamén contribúe a perpetuar unha valiosa tradición para moitos porriñeses e por iso contarán sempre co noso apoio. Estes tapices son cultura, tradición e arte”, reivindicou o alcalde, Alejandro Lorenzo, tras reunirse con algunhas das persoas que traballan para facer realidade estas alfombras.

Area, serrín, mimosas, madeira, rosas ou hortensias serán necesarias para as creacións polas rúas do Porriño, polo que semanas antes leva a cabo un minucioso traballo para recompilar pétalos e demais elementos.