O Consello da Xerencia de Urbanismo de Vigo aprobou este martes a adquisición da antiga Casa dos Labradores, no número 58 da Avenida de Ramón Nieto, para convertela nun espacional dotacional público.

Así o confirmou en rolda de prensa o alcalde, Abel Caballero, quen dixo que o desembolso pola compra será de 177.000 euros e que o edificio, deseñado polo arquitecto Gómez Román, pasará a formar parte do patrimonio público municipal.

A antiga Casa dos Labradores pertence á Cooperativa do Campo de Santa Cristina de Lavadores e o Concello pretende darlle uso dotacional. “Vano a usar os cidadáns de Vigo, sobre todo de Lavadores, porque esa zona ten poucas dotacións públicas”, sinalou o rexedor.