InicioEconomíaTraballadores de Metalships maniféstanse contra a "represión sindical" da empresa

Traballadores de Metalships maniféstanse contra a “represión sindical” da empresa

O conflito iniciouse polo "bloqueo" na negociación dun novo convenio colectivo.

PUBLICADO O

- Advertisement -

Preto dun cento de traballadores do estaleiro Metalships & Docks manifestáronse na mañá deste venres polas rúas de Vigo ante a “vulneración de dereitos fundamentais” e a “represión sindical” levada a cabo por parte da empresa.

Convocados por Comisións Obreiras, empregados da compañía saíron sobre as 11,00 horas desde as instalacións da empresa, situadas no barrio de Teis, e percorreron diferentes vías do centro da urbe ata desembocar na Delegación da Xunta en Vigo minutos antes das 12,30 horas.

Detrás dunha pancarta que rezaba ‘Non á represión sindical en Metalships’, decenas de traballadores mostraron o seu rexeitamento ás últimas accións levadas a cabo pola compañía con berros como ‘Despedimentos, readmisión’; ‘Se isto non se amaña, caña, caña, caña’; ‘Vigo, escoita, o naval está en loita’ ou ‘Naval, solución’.

Ademais de representantes de Metalships, empregados doutros estaleiros como Barreras ou a extinta Vulcano tamén acudiron á manifestación, onde soaron varios petardos e acendéronse bengalas de cores. Ademais, empregados de Freire concentráronse este venres nas portas do estaleiro á hora do bocadillo en solidariedade cos seus compañeiros.

Neste sentido, o expresidente do comité de empresa de Metalships (CC.OO.), José Antonio Fernández, explicou que o conflito se iniciou debido ao “bloqueo” na negociación dun novo convenio colectivo, debido a que o actual caducou en 2019.

“REPRESIÓN SINDICAL”

Segundo indicou, ante as mobilizacións levadas a cabo polos traballadores, a resposta da empresa consistiu en despedir dous compañeiros, entre eles el mesmo, o que supón, ao seu xuízo, “un claro feito de represión sindical”.

Ademais, este mes a empresa non pagou as nóminas aos traballadores, a pesar de que seguen producindo. “É unha vulneración dos dereitos fundamentais”, lamentou Fernández.

Tamén o secretario xeral de CC.OO. Industria de Galicia, Víctor Ledo, criticou as accións levadas a cabo pola compañía e lamentou a situación na que se atopa o naval galego.

Por iso, pediu ao Goberno e á Xunta que interveñan para impedir que certos empresarios leven a cabo medidas como as que tomou Metalships e que defendan o sector.

Así mesmo, anunciou que ademais dos paros parciais que se están levando no estaleiro, e que probablemente desembocará nunha folga indefinida, está a traballarse xunto co resto de sindicatos (UGT E CIG) para levar a cabo unha “gran manifestación” de todo o sector para que se poñan “encima da mesa” os intereses compartidos do naval.

ÚLTIMAS

Concello e deputación acordan reformar a bancada de Gol en Balaídos

A Xunta de Goberno do Concello de Vigo deu este luns luz verde ao...

Tres detidos en Portugal e máis 1.000 quilos de cocaína intervidos nos portos de Sines e Vigo

Unha investigación posta en marcha pola Polícia Judiciária de Portugal e que contou coa cooperación da...

Detectado e eliminado un punto de vertedura de augas residuais en Redondela

Os técnicos do Programa de Control de Verteduras, dependente de Augas de Galicia, detectaron un...

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...