A Policía Local de Vigo detivo a un mozo, A.O.L.P. de Venezuela e 22 anos de idade, que conducía unha motocicleta sen ningún tipo de licenza ou permiso tras circular en sentido contrario por varias rúas da cidade e caer ao chan.
Tal como informaron os axentes, foi unha patrulla que se atopaba realizando labores de vixilancia no ámbito da seguridade viaria o pasado luns ás 23,00 horas quen observou unha motocicleta que accedía á rúa Colombia dirección Pizarro en dirección Praza de España.
Os actuantes visualizaron que o condutor, ao decatarse da presenza policial, realizou un cambio de sentido cara á rotonda de Isabel a Católica. A partir de aí, comezou a realizar diversos cambios de sentido e acelerou de forma brusca, polo que os axentes activaron os dispositivos luminosos e acústicos e iniciaron a súa persecución.
Durante a mesma, o home saltou un semáforo en vermello e circulou por varias rúas en sentido contrario, ata que realizou un xiro que lle fixo caer ao chan, momento no que foi interceptado, comezando a mostrar unha resistencia activa. Tras iso, foi detido pola suposta comisión dun delito contra a seguridade viaria, pescudando que carecía de calquera tipo de permiso de conducir.
