Unha muller, C.W. de Austria e 45 anos de idade, foi detida en Vigo pola suposta comisión dun delito de atentado e desobediencia grave tras negarse a porse a máscara nun autobús e agredir a un axente da policía. Tal como informou a Policía Local nun comunicado, os feitos ocorreron na tarde do pasado luns, sobre as 17,30 horas, cando o condutor da liña de autobús París-O Porto solicitou asistencia debido a un conflito cunha pasaxeira.

Unha vez alí, o profesional explicou que esta muller subira en Santiago de Compostela sen facer uso da máscara, inxerindo alimentos e bebidas. Ao indicarlle que debía utilizala, como facía o resto de usuarios, negouse, comezando a insultar ao condutor.

Os axentes dirixíronse á muller, que finxía non entender nin o español nin o inglés. Por iso, foi desaloxada do autobús, onde cambiou a súa actitude e foi informada de que se mantiña a súa postura sería trasladada a dependencias xudiciais.

Nese momento, a muller comezou a gritar e a increpar aos actuantes, chegando a agredir a un dos axentes, polo que foi detida pola suposta comisión dun delito de atentado e desobediencia grave.