InicioVigo e contornaVigoAs obras de mellora da estrada de Valladares arrincan este mércores

As obras de mellora da estrada de Valladares arrincan este mércores

A actuacións terán unha duración de dez meses e un investimento de 1'8 millóns de euros.

PUBLICADO O

A Xunta de Galicia iniciou este mércores as obras de mellora da seguridade viaria na estrada de Valladares de Vigo, que implicará nove actuacións en ata sete quilómetros da devandita vía cun orzamento total que supera os 1,8 millóns de euros.

Así, a conselleira de Infraestruturas e Mobilidade, Ethel Vázquez, visitou Vigo para coñecer de primeira man a estrada PO-330, que atravesa a parroquia olívica de Valladares partindo desde Pereiró e desembocando en Vincios.

Vázquez, acompañada da delegada territorial da Xunta en Vigo, Marta Fernández-Tapias, adiantou que as actuacións terán unha duración de dez meses, polo que para a próxima primavera os veciños de Valladares e de Pereiró terán unha vía “máis segura, accesible e humana”.

A actuación inclúe a eliminación dun tramo identificado como de concentración de accidentes, mediante a creación dun carril central de espera que resolva o acceso ao colexio Andersen.

Tamén se construirán dúas novas rotondas de 28 metros de diámetro, unha para mellorar o acceso ao pavillón e á piscina, ademais da o colexio infantil Monte do Alba. A outra estará situada no alto da Garrida. En Pereiró, os traballos prevén a urbanización do tramo dos 450 primeiros metros da estrada, ata a rotonda do cemiterio. Aquí instalaranse 36 prazas de estacionamento, 10 máis que na actualidade.

ÚLTIMAS

Detido un home pola súa suposta vinculación co crime da maleta

A Policía Nacional detivo na mañá deste venres a un home pola súa presunta vinculación co...

Vigo rexeita o “caciquismo” do PP na deputación ao “censurar” a relatoras por “causas políticas”

O pleno de Vigo aprobou este venres, cos votos do PSOE e do BNG, unha...

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...