InicioEconomíaCaballero pon en valor a "participación importantísima" de Vigo nos fondos europeos

Caballero pon en valor a “participación importantísima” de Vigo nos fondos europeos

O rexedor olívico asegura que a planta de Stellantis na cidade poderá beneficiarse do PERTE de automoción.

PUBLICADO O

O alcalde de Vigo, Abel Caballero, puxo este luns en valor a “participación importantísima” da cidade nos fondos europeos que o Goberno está a asignar no marco do Plan de Recuperación, Transformación e Resiliencia, e referiuse tamén ás axudas dos PERTE de automoción e do naval.

O rexedor olívico, que se referiu ás axudas que Vigo recibe para as zonas de baixas emisións, axenda urbana, comercio ou dixitalización, mencionou concretamente o PERTE de automoción e asegurou que a planta de Stellantis na cidade poderá beneficiarse.

Segundo reiterou, o problema para que a fábrica viguesa non cumpra os requisitos das axudas reside en que “os calendarios dos seus proxectos non coinciden cos da UE”. “Pero ímolo resolver, eu estou a intermediar entre o Goberno e a empresa (…), Stellantis vai estar no PERTE con toda a garantía do Goberno da atención ás súas demandas”, proclamou.

Con respecto ao sector naval, insistiu en que “Vigo vai estar moi presente”, e que a tramitación dese plan “vai marabillosamente ben”. A estes proxectos sumaranse, incidiu, a prata de chips fotónicos que lidera a Zona Franca, ou axudas para a dixitalización do ciclo da auga.

Por outra banda, como presidente da Federación Española de Municipios e Provincias (FEMP), Abel Caballero tamén recalcou a participación dos concellos e entidades locais na repartición de axudas do Plan de Recuperación, e lembrou que van recibir 15.000 millóns de euros.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...