InicioEconomíaOperarios de Metalships e Barreras denuncian prácticas empresariais "do século XIX"

Operarios de Metalships e Barreras denuncian prácticas empresariais “do século XIX”

CC.OO. anuncia máis mobilizacións e UGT pide á Xunta medidas para recolocar ao persoal de Barreras.

PUBLICADO O

- Advertisement -

Traballadores dos estaleiros Metalships e HiJos de J. Barreras de Vigo realizaron este xoves senllas concentracións para denunciar os despedimentos nas súas empresas, e advertiron do incremento da conflitividade ante prácticas propias “do século XIX”.

O persoal de Metalships protagoniza este xoves unha xornada de folga tras confirmarse o despedimento do presidente do comité, José Fernández Vila (CC.OO.) e doutro traballador. Os empregados do estaleiro levan varias semanas con paros e protestas, polo bloqueo na negociación do convenio, caducado en 2019.

Fernández Vila explicou que a resposta da empresa ás reivindicacións dos traballadores foi “un claro feito de represión sindical“, e advertiu do aumento da precariedade no sector, en xeral, e do talante dos empresarios, que “parece máis do século XIX”. “Imos dar unha resposta contundente”, avisou, e denunciou que a esperada recuperación do sector grazas ao PERTE do naval ou ás medidas da estratexia galega “non pode deixar de lado a parte social”.

Dicimos xa basta, xa vale. Hai contacto entre os sindicatos e comités de empresa, e todos estamos na mesma liña. Se Metalships ten que ser punta de lanza para que o sector volva recuperar o seu orgullo, ímolo ser”, proclamou. Na mesma liña, o responsable de Industria de CC.OO. Galicia, Vítor Ledo, criticou a “caza de bruxas” contra delegados deste sindicato, e lembrou que Estaleiros San Enrique (antiga Factorías Vulcano) tamén despediu ao presidente e ao secretario do comité de empresa.

Ledo lamentou que se dea esta situación mentres a industria e a administración falan das oportunidades de futuro do naval, “sen contar cos traballadores”, e advertiu de que o sindicato non admitirá políticas nin medidas que non revertan a deterioración das condicións laborais.

Respecto diso, anunciou mobilizacións “no centro da cidade” de Vigo, para que a sociedade coñeza a verdadeira situación do sector, no que “se está destruíndo emprego” mentres se fan “anuncios magnificados”.

CONCENTRACIÓN DE TRABALLADORES DE BARRERAS

Por outra banda, traballadores do estaleiro Barreras, recentemente adxudicado por resolución xudicial a Armón, concentráronse este xoves ás portas da delegación da Xunta, onde unha representación do comité mantivo unha reunión con responsables de Traballo e do Igape.

Ao finalizar a reunión, o responsable de FICA-UGT na comarca de Vigo, Rubén Pérez, reiterou a demanda dos traballadores á Xunta para que “se implique” na recolocación dos operarios que quedarán fóra do estaleiro (a oferta de Armón contempla a contratación dunha vintena, dos algo máis de 100 empregados con que contaba Barreras).

Nese sentido, subliñou que se trata de operarios “con alta cualificación” e que non poden “perderse” para o sector. Na mesma liña, pediron á Xunta que non avale o ERTE de extinción porque “hai un armador que está gastando millóns e millóns en construír os seus barcos, e pretende que os traballadores vaian cunha man diante e outra detrás”.

O presidente do comité, Sergio Gálvez, confirmou que o comité aínda non foi convocado para negociar o ERTE, aínda que Armón xa iniciou o proceso de selección dos 20 traballadores que se van a quedar no estaleiro. Así mesmo, confirmou que UGT mantén a súa intención de denunciar aos anteriores propietarios do estaleiro, Ritz Carlton, pola xestión que fixeron na empresa.

Este mesmo xoves está convocada, neste caso polo sindicato CIG, unha manifestación en defensa do sector, e para reclamar a convocatoria da Mesa do Naval e a intervención da administración para salvar unha industria estratéxica para Galicia.

ÚLTIMAS

(Vídeo) Por que os patexos invaden as praias dos areais vigueses?

Estes pequenos cangrexos volveron aparecer, por centos, na praia de Rodas, nas Illas Cíes....

O Parque Nacional dás Illas Atlánticas ofrece 350 rutas guiadas

O Parque Nacional marítimo-terrestre dás Illas Atlánticas de Galicia oferta este verán un total de 350 rutas...

Multas de ata 200.000 euros a quen realice foxos en Praia América para as fogueiras de San Juan

As persoas que acudan a Praia América, no concello pontevedrés de Nigrán, e decidan...

Sindicatos do 061 de Vigo piden á Xunta que garanta o pago das nóminas pendentes

Os sindicatos CIG, CC.OO. e USO reclamaron á Xunta que garanta o abono das...