InicioEconomíaFolga do persoal de Metalship contra o despedimento do presidente do comité

Folga do persoal de Metalship contra o despedimento do presidente do comité

CC.OO. critica que a compañía se escusa nunhas supostas pintadas que se lle quere imputar de maneira "espuria" ao traballador.

PUBLICADO O

Traballadores do estaleiro vigués Metalships & Docks convocaron unha xornada de folga para este xoves tras o despedimento de dous traballadores, entre eles o presidente do comité de empresa, que está formado por catro representantes de Comisións Obreiras e un de UGT.

Tal como indicou CC.OO., o persoal de Metalship leva tres semanas en folga de flexibilidade/horas extra polo “bloqueo” na negociación do convenio, finalizado en 2019.

“Como represión pola medida, a nova xerencia despediu dous traballadores, entre eles o presidente do comité de empresa“, lamentou o sindicato, que criticou que a compañía se escusa nunhas supostas pintadas que se lle quere imputar de maneira “espuria” ao presidente, “alegando danos de imaxe á dirección da empresa e danos para tomar esta medida”.

Para a organización sindical, esta actuación supón “un novo ataque” cara aos representantes de CC.OO. no naval e terán unha resposta “contundente” xa que “non se pode permitir a persecución e represión daqueles que defenden as melloras nos convenios e das condicións laborais no sector”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...