Unha nena de catro anos faleceu ao golpearlle a cabeza o ferro dun parasol nunha leira particular en Bembrive, no municipio de Vigo.
O accidente ocorreu sobre as 17,45 horas. Unha persoa particular contactou co 112 Galicia para alertar dunha menor que estaba ferida na cabeza.
Foron mobilizados a Policía Nacional e Local e de Urxencias Sanitarias de Galicia-061, que nada puideron facer por salvarlle a vida á nena.
O ocorrido foi posto en coñecemento do Grupo de Intervención Psicolóxica en Catástrofes e Emerxencias (Gipce), por se a familia da menor necesitase da súa intervención.
