O auditorio de Castrelos de Vigo acollerá este verán catro “grandes concertos”, enmarcados nas festas da cidade, segundo anunciou este martes o alcalde, Abel Caballero, en rolda de prensa.
En concreto, o primeiro deles será o martes 19 de xullo e a partir de aí todos os martes ás 20,00 horas haberá un espectáculo infantil ata o 9 de agosto.
Desta maneira, ‘Coco Tributo Musical’ será o primeiro dos concertos planificados para os máis pequenos en Vigo, unha adaptación musical da historia baseada na tradición mexicana do Día dos Mortos; seguido o martes 26 de xullo de ‘O Rei da Sabana’, a primeira adaptación ao galego da historia dos leóns.
O 2 de agosto será a quenda de ‘Magic Dreams’, un tributo ás cancións infantís con varios contos de Disney, e o 9 de agosto actuará ‘I love Rock & Roll’, sobre a historia deste estilo musical.
Estes espectáculos únense aos xa anunciados como Joan Manuel Serrat (10 de xullo), Sebastián Yatra (13 de xullo), Love of Lesbian (29 de xullo), Tanxugueiras (30 de xullo), Leiva (4 de agosto), Sting (6 de agosto), Lola Índigo (8 de agosto), Hombres G (14 de agosto) ou Raphael (16 de agosto).
