InicioSociedadeUnha rampla mecánica para acceder ao centro de saúde de Teis

Unha rampla mecánica para acceder ao centro de saúde de Teis

A obra terá un custo de algo máis de 1,3 millóns de euros e un prazo de execución de 6 meses, unha vez que se adxudique a obra.

PUBLICADO O

A Xunta de Goberno Local do Concello de Vigo aprobou este xoves o proxecto para instalar unha rampla mecánica na rúa Ángela Iglesias Rebollar, que dá acceso ao centro de saúde de Teis, que terá un custo de algo máis de 1,3 millóns de euros e un prazo de execución de 6 meses, unha vez que se adxudique a obra.

Así o explicou o alcalde, Abel Caballero, quen puxo en valor esta obra, que inclúe o acondicionamento da rúa, novas canalizacións, nova iluminación e zonas verdes. A obra estará rematada aproximadamente nun ano.

Segundo a imaxe mostrada polo rexedor, a rampla terá un deseño similar ao das ramplas de Gran Vía, cunha cuberta de arcos de cores. O mecanismo instalarase no centro da calzada conectado a un gran paso de peóns na Avenida de Galicia, con semáforo no cruzamento, e estableceranse os carrís de circulación a ambos os dous lados da rampla.

Cuestionado polos medios acerca das prazas de aparcadoiro que desaparecerán na parte máis inclinada da rúa, Caballero asegurou que a obra non suporá moita diferenza co que hai na actualidade porque a xente non aparca nese tramo precisamente “para non ter que subir a coller o coche”, e manteranse as prazas que hai na parte baixa e detrás do centro de saúde.

Finalmente, o alcalde censurou que “BNG, Esquerda Unida (Marea de Vigo) e o PP se op`oñen” a que se faga esa obra. “Que saiba todo Teis que me importa un bledo que se opoñan. Imos facer as ramplas mecánicas do centro de saúde de Teis. Punto”, proclamou.

ÚLTIMAS

A ministra Pilar Alegría non puido celebrar un acto en Vigo pola imposibilidade de entrar na cidade por colapso de tráfico

O colapso de tráfico nos accesos viarios a Vigo obrigou a suspender un acto...

Convocada para este domingo en Vigo unha concentración en repulsa polo asasinato machista de Oroso

O Feminismo Unitario de Vigo convocou para este domingo unha concentración en repulsa do...

O goberno municipal insiste no “interese político” da folga de Vitrasa: “Queren danar o Nadal e á xente”

O goberno municipal de Vigo defendeu este venres a súa actuación ante o conflito de Vitrasa, concesionaria...

Intervidas case 1.800 plantas de marihuana no operativo antidroga no Baixo Miño que se saldou con 6 detidos

Comisaría Provincial de Pontevedra, o Grupo I da Udyco da Comisaría Vigo-Redondela e o...