InicioSociedadeA Xunta sobre o concerto de Muse e o alcalde de Vigo:...

A Xunta sobre o concerto de Muse e o alcalde de Vigo: “Viuse acurralado, pero puido evitar a polémica”

"Toda esta polémica poderíase evitar se o alcalde actuase de forma cabal, como o resto de alcalde dos outros 312 concellos de Galicia, e ofrecese o seu apoio desde o primeiro momento", censurou a delegada da Xunta, Marta Fernández-Tapias.

PUBLICADO O

Vigo terá o concerto de Muse”, así de contundente se expresou este xoves a delegada da Xunta en Vigo, Marta Fernández-Tapias, despois de que o alcalde da cidade anunciase en rolda de prensa que cederá o estadio municipal de Balaídos para o evento, alegando que non permitirá “que llo leven a Coruña”.

A través dunhas declaracións remitidas aos medios, Fernández-Tapias confirmou a celebración deste concerto, e sinalou que en próximos días anunciarase a data, á vez que lamentou que o rexedor estivese “mentindo durante días”.

“Toda esta polémica poderíase evitar se o alcalde actuase de forma cabal, como o resto de alcalde dos outros 312 concellos de Galicia, e ofrecese o seu apoio desde o primeiro momento”, censurou a delegada.

Segundo apuntou, Abel Caballero aceptou ceder o estadio, aínda sen ter unha solicitude directa da Xunta ou do Xacobeo para o concerto (como esixira), porque “se viu acurralado na súa propia estratexia, nesa forma nefasta de facer política, de enfrontarse á Xunta única e exclusivamente para sacar réditos políticos e atacar ás persoas”.

“Esta vez non, alcalde, esta vez conseguimos que dobregase o pulso, acurralado nas súas propias mentiras”, incidiu Fernández-Tapias, que lembrou que o alcalde chegou a cuestionar que houbese contactos para facer o concerto de Muse, insinuou que xa había data pechada para facelo na Coruña, e todo iso despois de rexeitar actos do Xacobeo en Vigo, ou de pedir á Xunta o diñeiro dos concertos para que os organizase o propio Concello.

Tamén lle afeou que se negou a entrevistarse con ela, e todo para “perder o tempo”. Por iso, concluíu que “o único que non quería o concerto de Muse en Vigo” era o propio rexedor, mentres que a Xunta mantivo a súa postura, e ten “o compromiso da produtora e o visto e prace do Celta”.

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un dron non autorizado durante a carreira Vig-Bay en Baiona

A Garda Civil durante o Medio Maratón Gran Baía Vig-Bay, que se celebrou o domingo, interceptou no...