InicioSociedadeDetido en Vigo un home tras agredir a súa parella en plena...

Detido en Vigo un home tras agredir a súa parella en plena rúa

Foi un viandante quen chamou á Policía cando viu que o home lle daba puñadas na cabeza e no rostro á muller.

PUBLICADO O

Un home, C.C.G. de Vigo e 32 anos de idade, foi detido na noite do pasado martes na cidade olívica despois de agredir a súa parella en plena rúa, segundo informou a Policía Local nun comunicado.

Os feitos ocorreron sobre as 22,50 horas, cando un veciño da rúa O Grove viu mentres paseaba á súa mascota a unha muller gritando mentres un home lle daba puñadas na cabeza e no rostro. Por iso, chamou á Policía.

Unha vez no lugar, os axentes falaron coa parella e identificaron o home, que aínda que recoñeceu ter unha discusión “acalorada” coa muller, negou tela agredido.

Pola súa banda, a muller, de 28 anos de idade, atopábase chorando e “moi nerviosa”, pero referendou as palabras da súa parella. A pesar diso, tras a manifestación da testemuña que alertou e ao ver que a moza tiña unha lesión no interior do beizo superior, os actuantes procederon á detención do home pola suposta comisión dun delito de violencia de xénero.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...