InicioSociedadeDetido en Vigo tras agredir a súa parella en plena rúa

Detido en Vigo tras agredir a súa parella en plena rúa

O home foi interceptado minutos despois en compañía doutros dous homes, e mostrouse agresivo tamén no momento da detención.

PUBLICADO O

- Advertisement -

Un home, D.A.E.L. de Vigo e 40 anos de idade, foi detido na madrugada deste domingo na cidade olívica despois de agredir á súa parella en plena rúa un cinto. Segundo informou a Policía Local, os feitos ocorreron sobre as 02,20 horas na Avenida de Castrelos e, tras a chamada dun alertante, os axentes atoparon no lugar á suposta vítima, G.M.G. de Vigo e 34 anos de idade.

Ela atopábase chorando nun banco e presentaba un corte na fazula, así como as mans ensanguentadas. A pesar de que nun principio non quería dar ningún tipo de información aos actuantes, finalmente explicou que a súa parella a agredira, a proxectara contra un enreixado e a golpeara cun cinto, á vez que lle propinaba patadas.

Outros dous homes que acompañaban ao aludido lograron suxeitalo e sacalo do lugar, dirección Praza América, polo que, tras solicitar axuda médica, que trasladou á muller ao hospital Álvaro Cunqueiro, púxose en marcha un dispositivo de procura.

O home foi interceptado minutos despois na avenida Alcalde Portanet en compañía dos outros dous homes, sendo detido como presunto autor dun delito de violencia de xénero. No momento da detención mostrouse agresivo cos axentes.

OUTRA DETENCIÓN

Por outro lado, un mozo, L.G.D.A. de Brasil e 23 anos de idade, foi detido na madrugada deste domingo despois de agredir a un home cunha botella de cristal na Praza da Estrela de Vigo.

Tal como informou a Policía Local, os feitos ocorreron sobre as 02,45 horas, cando unha patrulla que se atopaba na rúa Areal realizando labores de vixilancia atopouse con A.C.D.S. de Cabo Verde e 41 anos de idade.

Este home presentaba un corte na boneca dereita, así como unha ferida sanguenta na caluga. El mesmo manifestou que minutos antes, na Praza da Estrela, viuse increpado por dous mozos e, sen mediar ningún tipo de provocación, un deles colleu unha botella de cristal rota e golpeoulle na cabeza en varias ocasións, ademais de realizarlle cortes na man dereita.

ÚLTIMAS

A ministra de Deportes suxire que Vigo será sede do Mundial de Fútbol

A ministra de Educación, Formación Profesional e Deportes, Milagros Tolón, asegurou que o estadio...

Rescatados dous tripulantes que encallaron co seu veleiro en Cabo Silleiro

O rescate dos dous tripulantes dun veleiro que quedou encallado fronte á costa de...

UGT suspende a concentración contra o ataque con explosivos á súa sede de Vigo á que ía acudir Pepe Álvarez

A condena do ataque contra a sede de UGT en Vigo terá que agardar...

Vigo mantén en segredo o motivo da suspensión do contrato de bus de 470 millóns: “Saberase cando a lei o permita”

Case dous meses despois de que o Concello de Vigo anunciase a suspensión da...