InicioVigo e contornaVigoAvanzan os trámites administrativos para construír o novo IES de Navia

Avanzan os trámites administrativos para construír o novo IES de Navia

A Xunta evitará transferir os terreos ao Concello para "aforrar tempo".

PUBLICADO O

A delegada territorial da Xunta en Vigo, Marta Fernández-Tapias, informou de que este venres o Goberno galego remitiu ao Concello olívico o documento do convenio de colaboración para a construción do novo instituto do barrio de Navia.

Segundo lembra o Executivo autonómico nun comunicado, a través deste acordo proponse a cesión directa dos terreos por parte do Instituto Galego da Vivenda e Solo, propietario dos mesmos desde xaneiro de 2022, á Consellería de Cultura, Educación e Universidade. É dicir, sen a necesidade de que sexan transferidos ao goberno municipal para aforrar “tempo e trámites”.

A Xunta pretende avanzar así na construción desta infraestrutura, na que investirá uns 12 millóns de euros e que se axustará “por completo” aos estándares do Plan de Nova Arquitectura Pedagóxica, con espazos “amplos e flexibles”. “Un proxecto esencial para a cidade de Vigo e para a comunidade educativa”, reivindicou Fernández-Tapias, que subliñou que desta forma queda “acreditada” a vontade do Goberno galego coa execución do IES de Navia “en contra das manifestacións malintencionadas que apuntaban a que non se faría”.

A delegada da Xunta apelou á “colaboración das autoridades municipais” xa que se trata dunha infraestrutura “crave” para Navia, polo que “debe quedar fóra de calquera interese político e partidista”. O seguinte paso, segundo ela, é que o Concello deberá dar luz verde a esta cesión, así como comprometerse a axilizar os trámites necesarios para a urbanización do barrio e conceder a licenza de segregación da parcela.

O novo instituto terá capacidade para ao redor duns 700 alumnos e contará con 16 aulas e catro bacharelatos, así como aulas especializadas para música ou tecnoloxía, entre outras, e laboratorios, biblioteca ou ximnasio.

ÚLTIMAS

Gonzalo Caballero proposto polo PSOE de Vigo como candidato galego ás europeas

A asemblea do Partido Socialista de Vigo propuxo ao que fora secretario xeral do PSdeG, Gonzalo Caballero,...

Claudio Giráldez renova como adestrador do Celta ata xuño de 2025

O adestrador galego Claudio Giráldez renovou este xoves o seu contrato como técnico do RC...

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...