A conselleira de Infraestruturas e Mobilidade, Ethel Vázquez, insistiu en que o abastecemento de auga a Vigo e o sur da provincia está “garantido” e remitiuse ao estudo da Confederación Hidrográfica Miño-Sil, ao ser preguntada no pleno do Parlamento galego polo BNG sobre se a Xunta apoia unha nova presa no Oitavén, na zona de Forzáns (Ponte Caldelas).
Na súa pregunta, o deputado do BNG Manuel Antonio Lourenzo tachou de “reviravolta” os posicionamentos da Administración galega sobre as medidas a adoptar. “Transvasamento si sen urxencia, agora que pode esperar e que hai que facer un estudo”, criticou.
Ademais de cuestionar as formulacións da Xunta preguntoulle, definitivamente, descarta un travase, así como a presa na zona de Forzáns. “Non podemos apostar por un encoro sen un aval ambiental que debe acreditar a Confederación“, dixo a conselleira, delegando na mesma esta cuestión.
Por outra banda, insistiu en que hai unhas “garantías de abastecemento ao 100%” de auga a esta zona. “O que se estuda aí é a 2070”, dixo sobre o que se proxecta de face ao abastecemento a futuro. Por outra banda, incidiu na necesidade de que “se declare de interese xeral o abastecemento ao sur de Pontevedra”. “Está pedido á Confederación e o aval ambiental”, expuxo. Por outra banda, dixo que “o transvasamento do Verdugo non é viable, nin eficaz”.
ACTUACIÓNS EN OURENSE
Noutra orde de cousas, e no pleno a preguntas do deputado nacionalista Iago Tabarés sobre o soterramento parcial da avenida Otero Pedrayo de Ourense, a conselleira argumentou que o tramo ao que facía referencia o parlamentario é de “titularidade municipal”.
“Golpea nunha porta que non debe golpear, é o concello quen debe pronunciarse”, replicou fronte á interpelación do nacionalista, quen insistiu na necesidade de que se “faga realidade” esta actuación.