A Policía Local de Vigo interceptou este xoves a un home que conducía co carné caducado desde 2010 un vehículo que estaba a nome dunha persoa falecida.

Os feitos ocorreron pasadas as 12,15 horas na Avenida Clara Campoamor, onde se deu o alto a un home, M.R.L., de Mos e 47 anos de idade. Así, comprobouse de forma telemática que o coche co que circulaba estaba a nome dun falecido.

Tras outras xestións, os axentes pescudaron que conducía habéndoselle expedido licenza de ciclomotor, comprobando que carecía de permiso por perda de vixencia do mesmo desde o ano 2010. Por iso, instruíronse as pertinentes dilixencias para o seu traslado ao órgano xudicial competente.

Por outra banda, a Policía Local tamén interceptou na mañá do pasado domingo a outro condutor dun ciclomotor na rúa García Barbón que circulaba baixo os efectos das drogas, tras consumir THC. Resultou ser J.R.R., de Vigo e 32 anos de idade.