A xunta de goberno local do Concello de Vigo acaba de aprobar a adxudicación de case 2,4 millóns de euros para a fase IV da humanización da rúa Martínez Garrido e para un tramo de 480 metros de Castelao, entre Martín Echegaray e Darío Durán. Tal como informou na súa rolda de prensa diaria o alcalde, Abel Caballero, destinaranse máis de 1,2 millóns de euros para acabar coa humanización de Martínez Garrido, entre os números 1 e 33, sumando xa preto de cinco millóns no total da rúa. O prazo de execución é de sete meses.

Pola súa banda, 1,17 millóns de euros irán parar á avenida Castelao, cun prazo de execución de nove meses. En Martínez Garrido renovarase a rede de abastecemento, os colectores de saneamento e as instalacións de pluviais, así como a rede semafórica, o mobiliario ou a sinalización. Pola súa banda, en Castelao mellorarase a seguridade e darase máis visibilidade aos peóns, entre outras accións.